Кіберэкспэрт NАТО: Расея атакуе падводныя кабелі Еўропы з дапамогай «напаўвайсковай» арганізацыі
7- 1.12.2024, 16:25
- 8,096
У пачатку лістапада ў Балтыйскім моры былі абарваныя два кабелі.
Расея ажыццяўляе пастаянныя атакі на падводныя кабелі ва ўсёй Еўропе ў «напаўвайсковым» стылі, робячы «самую актыўную пагрозу» для заходняй інфраструктуры, заявіў у інтэрв'ю Euronews для праграмы The Europe Conversation старшы экспэрт NАТО ў кібер-і гібрыдных пагрозах.
Выканаўца абавязкаў памочніка генеральнага сакратара ў інавацыйных гібрыдных і кібертэхналогіях Джэймс Апатурай заявіў, што нядаўнія напады на камунікацыйныя кабелі, якія альянс прыпісвае Расеі, з'яўляюцца часткай значнага росту кібер-, гібрыдных і іншых відаў умяшання ў Еўропе.
У пачатку лістапада ў Балтыйскім моры былі абарваныя два кабелі паміж Швэцыяй і Літвой і яшчэ адзін паміж Нямеччынай і Фінляндыяй, што адразу ж выклікала трывогу ў краін-чальцоў NАТО і асцярогі з нагоды сабатажу.
«Расейцы ажыццяўляюць праграму, якую яны выношвалі дзесяцігоддзямі. Яна называецца «Расейская праграма падводных даследаванняў», што з'яўляецца эўфемізмам для абазначэння ваенізаванай структуры, якая вельмі добра фінансуецца, якая наносіць на карту ўсе нашы кабелі і энэргетычныя трубаправоды», – растлумачыў спадар Апатурай.
«У іх ёсць так званыя даследчыя караблі. Пад імі знаходзяцца маленькія падводныя лодкі. У іх ёсць беспілотныя, непілатаваныя, дыстанцыйна кіраваныя апараты, у іх ёсць вадалазы і выбухоўка», - сказаў экспэрт.
Урады Нямеччыны і Фінляндыі паспяшаліся ўскласці віну за відавочныя напады на кабелі на патэнцыйных дыверсантаў.
«Ніхто не верыць, што кабелі пашкодзілі выпадкова. Я таксама не хачу верыць, што якары караблёў прычынілі шкоду выпадкова», - сказаў міністр абароны Нямеччыны Барыс Пісторыус.
Міністр абароны Фінляндыі Анці Хякянэн заявіў, што NАТО неабходна зрабіць значна больш намаганняў для абароны крытычнай інфраструктуры Захаду.
Швэцыя заявіла, што зараз вядзецца расследаванне наконт пашкоджання гэтых кабеляў.
«Расея сістэматычна атакуе архітэктуру еўрапейскай бяспекі», — гаворыцца ў супольнай заяве міністраў замежных спраў Нямеччыны, Францыі, Польшчы, Італіі, Гішпаніі і Вялікабрытаніі.
«Эскалацыя гібрыднай дзейнасці Масквы супраць краін NАТО і ЕЗ таксама беспрэцэдэнтная па сваёй разнастайнасці і маштабе, ствараючы значныя рызыкі для бяспекі», – гаворыцца ў дакуменце.
Праз падводныя кабелі праходзіць блізу 90% усіх лічбавых камунікацыйных зветак у свеце. Штодзень праз іх праходзяць фінансавыя аперацыі на суму каля 10 трлн еўраў. Апроч кабеляў, крытычна важная падводная інфраструктура складаецца з электрычныя злучальнікі і трубаправоды для падачы нафты і газу.
Са слоў спадара Апатурай, расце колькасць кібератак, дэзінфармацыі і палітычнага ўмяшання.
«Яны - базавая лінія. І ўсё гэта даражэйшае, чым было раней. Новае - гэта ўзрослы расейскі апетыт і кампанія сабатажу», - сказаў ён.
«Гэта азначае падпалы, сход цягнікоў з рэек, напады на маёмасць палітыкаў, спробы забойства, напрыклад, кіраўніка кампаніі Rheinmetal, найбуйнейшага нямецкага вытворцы зброі, які пастаўляе Украіне важныя 155-міліметровыя артылерыйскія набоі.
У ліпені гэтага года амерыканскія спецслужбы сарвалі змову з мэтай забойства, якая, магчыма, была часткай больш маштабнага плана, накіраванага на лідараў абароннай прамысловасці, якія пастаўляюць прадукцыю на Украіну».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
