Да пратэстаў у Грузіі далучыліся маракі

Сабраць людзей на мітынгі «дапамог» мэр Тбілісі.

На 16-ы дзень антыўрадавыя пратэсты ў Грузіі, насуперак чаканням палітычнай апазіцыі, пачаліся з самай раніцы і ахапілі ўвесь горад Тбілісі. Аналагічныя акцыі адбываюцца ў іншых гарадах краіны. Нават у Батумі, дзе цяпер моцны дождж і штармавы вецер, людзі выйшлі на вулічныя акцыі пратэсту, піша «Обозреватель».

Раней апазіцыя прагназавала, што 12 і 13 снежня «будзе зацішша», паколькі выбары ў парламенце прызначаныя на 14-га – адпаведна, на 14 снежня планаваліся і найбольш масавыя пратэсты. Аднак сабраць людзей на пратэставыя мітынгі за дзень да гадзіны Х «дапамог» мэр Тбілісі Каха Каладзэ.

Сярод іншага было абвешчана, што мэрыя ўсталёўвае ля будынка парламента Грузіі ялінку, якую плануюць «урачыста запаліць» заўтра ўвечары. Намеры Кахі Каладзэ ўжо пачынаць святкаваць яшчэ больш абурылі людзей, так што на 16-ы дзень антыўрадавыя пратэсты пачаліся з самай раніцы.

Як вядома, украінскі Еўрамайдан ператварыўся ў Рэвалюцыю менавіта ў той час, калі ўлады планавалі ўсталяваць і запаліць «ялінку» на плошчы Незалежнасці.

Пра гэта ўзгадала і дзейная прэзідэнтка Грузіі Саламэ Зурабішвілі, заявіўшы, што планы кіроўнай партыі датычна ялінкі ля будынка парламента «з'яўляюцца бессэнсоўнай правакацыяй». А прызначаныя прэзідэнцкія выбары ў парламенце яна назвала «пародыяй».

У Батумі, як паведамілі ў горадзе, да акцыі пратэсту далучыліся батумскія маракі і псіхолагі, якія выказалі падтрымку праеўрапейскаму курсу Грузіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com