«Для Пуціна гэта аплявуха»

Кіраўнік Крамля перажыў вялізнае прыніжэнне.

Расейскае акупацыйнае войска не мае сіл, каб пашырыць наступ на фронце. Цяпер расейскія войскі могуць праводзіць толькі нейкія лакальныя дзеянні.

А для таго, каб пачаць шырокамаштабны наступ ва Украіне, са слоў расейскіх праўладных блогераў, краіне-агрэсарцы Расеі спатрэбілася б ад 500 тысяч да мільёна новых салдат. Пра гэта сказаў сацыёлаг, публіцыст і аўтар кніг Ігар Эйдман падчас размовы з «Главредом».

«У Пуціна няма сіл, каб штурмаваць Запарожжа і Херсон. Логіка вайны гаворыць аб тым, што Расея не можа зараз пашырыць наступ. Калі б у РФ хацелі пашырыць наступ, яны павінны былі б правесці мабілізацыю. «Зэт-блогеры» даўно пішуць аб тым, што для пачатку шырокамаштабнага наступу ва Украіне спатрэбілася б ад 500 тысяч да мільёна новых салдат. Цяпер расейскія войскі могуць ажыццяўляць толькі нейкія лакальныя дзеянні, так, напрыклад, мы бачым, як яны наступаюць на Данбасе», - адзначыў Эйдман.

Ён звярнуў увагу, што, як мяркуецца, у лістападзе ў расейскіх войскаў быў рэкордны наступ. У той жа час экспэрт падкрэсліў, што калі паглядзець на карту Украіны, то мы ўбачым, што хаця наша дзяржава ў параўнанні з іншымі месяцамі страціла шмат, аднак у параўнанні з плошчай захопленых тэрыторый у першыя дні поўнамаштабнай вайны - нікчэмна мала.

Са слоў Эйдмана, калі расейскія войскі будуць наступаць такімі тэмпамі, то максімум, што яны змогуць зрабіць у 2025 годзе - захапіць яшчэ кавалак Данецкай вобласці. І, вядома, Пуціна гэта ўсё не задавальняе. А на шырокі наступ у Расеі няма рэсурсаў.

«Як бачым, у яе не выстарчыла рэсурсаў, каб утрымаць Сірыю. Іншымі словамі, рэсурсы Расеі на мяжы, і гэта відавочна. Там яшчэ спрабуюць рабіць добрую міну пры дрэннай гульні, але сірыйская сітуацыя даказала, што рэзерваў у Расеі няма ўвогуле, і рэсурсаў няма, у прынцыпе», - сказаў публіцыст.

Ён зазначыў, што сітуацыя ў Сірыі стала аплявухай Пуціну, але ён быў вымушаны з гэтым змірыцца.

«Для Пуціна тое, што адбылося ў Сірыі, - гэта проста аплявуха, ягонай пысай там выцерлі стол. Ён столькі гадоў пышыўся, удаваў з сябе Аляксандра Македонскага, пераможцу, а ў выніку за тры-чатыры дні яго выкінулі з Сірыі выспяткам пад азадак. Усё гэта жудасна зневажальна, але, тым не менш, ён змушаны з гэтым мірыцца. Таму што яму проста не было чым абараняць свае заваёвы і рэжым Асада ў Сірыі», - адзначыў Эйдман.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com