У Польшчы зліквідавалі канал кантрабанды беларускіх цыгарэт

У затрыманні ўдзельнічалі амаль 260 праваахоўнікаў.

У Польшчы затрымалі злачынную групу, якая займалася кантрабандай цыгарэт з Беларусі і Славаччыны. Гэтая група ў 2020-2021 гадах нелегальна завезла ў Польшчу не менш за 19 мільёнаў пачкаў цыгарэт, паведаміла Мінфінансаў Польшчы.

Затрыманні ўдзельнікаў групы прайшлі на тэрыторыі чатырох польскіх ваяводстваў. Агулам быў затрыманы 21 грамадзянін Польшчы. У затрыманні ўдзельнічалі амаль 260 праваахоўнікаў.

Затрыманых абвінавачваюць ва ўдзеле ў арганізаванай злачыннай групе, кантрабандзе цыгарэт і атрыманні матэрыяльных узнагарод у сувязі з выкананнем грамадскіх абавязкаў. Арышт на тры месяцы атрымалі 16 чалавек, чатырох вызвалілі пад заклад. На аднаго выдадзены запыт на арышт.

Паведамляецца, што ў лік затрыманых патрапілі трое пенсіянераў, трое былых супрацоўнікаў мытні і адна цяперашняя мытніца. На момант затрымання яна працавала на пераходзе ў Кузніцы.

Удзельнікі групы ўвозілі цыгарэты з Беларусі і Славаччыны праз памежныя пераходы ў Кузніцы і Хыжні. Для перавозкі выкарыстоўвалася не менш за 27 грузавых аўтамабіляў. Кіраўніцтва групы плаціла за інфармацыю, у тым ліку працу памежных пераходаў.

Затрыманым пагражае да 10 гадоў зняволення. Шкода бюджэту Польшчы ад іх дзеянняў ацэньваецца больш чым на 435 млн злотых (101 млн еўраў).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com