Украіна і Польшча ствараюць працоўную групу для ўрэгулявання гістарычных пытанняў
- 2.12.2024, 21:37
- 1,502
Пра гэта заявіў амбасадар Украіны ў Польшчы Васіль Баднар.
Украіна і Польшча працуюць над стварэннем супольнай працоўнай групы для ўрэгулявання гістарычных пытанняў. Яе праца павінна пачацца ў найбліжэйшы час. Пра гэта заявіў амасадар Украіны ў Польшчы Васіль Баднар, паведамляе «Укрінфарм» у панядзелак, 2 снежня.
Амбасадар зазначыў, што працоўная група будзе дзейнічаць пад эгідай міністэрстваў культуры Украіны і Польшчы.
«Мы працуем над парадкам дня і хочам, каб гэтая група сабралася як мага хутчэй», – заявіў Баднар.
Ён таксама паведаміў, што міністр культуры і стратэгічных камунікацый Украіны Мікалай Тачыцкі і міністарка культуры і нацыянальнай спадчыны Польшчы Ганна Урублеўская ў найбліжэйшы час правядуць перамовы і вызначацца з месцам і датай першага пасяджэння групы.
«Яны павінны пачаць дыялог у палітычна адчувальнай тэме: ушаноўванне месцаў памяці ва Украіне і Польшчы, удасканаленне адпаведных працэдураў», – адзначыў Баднар.
Раней кіраўнік Украінскага інстытута нацыянальнай памяці (УІНП) Антон Драбовіч заяўляў, што спадзяецца, што ўкраінска-польская працоўная група ў пытаннях агульнага гістарычнага мінулага зможа дасягнуць канкрэтнага прагрэсу ўжо ў снежні 2024 года.
27 лістапада міністры замежных справаў Польшчы і Украіны Радаслаў Сікорскі і Андрэй Сібіга падчас сустрэчы ў Варшаве прынялі супольную заяву ў пытанні эксгумацый ахвяраў Валынскай трагедыі. У заяве Украіна пацвердзіла адсутнасць перашкодаў для правядзення пошукава-эксгумацыйных працаў на сваёй тэрыторыі.
Прадстаўнік Міністэрства замежных справаў Польшчы Павел Уронскі паведаміў, што эксгумацыя ахвяраў можа пачацца вясной 2025 года.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
