The Times: У паўночнакарэйцаў быў такі ж загад, як і ў «вагнераўцаў»

Жаўнеры КНДР загінулі сотнямі ў Курскай вобласці РФ.

З'явіліся падрабязнасці таго, як раніцай 15 снежня Расея кінула сотні паўночнакарэйскіх жаўнераў на штурм уздоўж левага флангу абароны УСУ ў Курскай вобласці.

«Паўночнакарэйцы былі выкінутыя на нейтральную тэрыторыю яснай снежаньскай раніцай, не маючы ні прыкрыцця цемрай, ні, відаць, турботы сваіх генералаў. Апранутыя ў зялёную форму расейскага войска, карэйцы не спрабавалі шукаць хованкі і былі хутка заўважаныя на заснежаным полі ўкраінскім беспілотнікам», - піша The Times.

Як адзначыў ветэран бітвы за Бахмут, 35-гадовы афіцэр спецназа Віталь, мяркуючы з усяго, у карэйцаў быў такі ж просты загад «наступаць або памерці», як і ў «вагнераўцаў».

«Бачыць такую вялікую групу, якая рухаецца разам, было для нашых мінамётчыкаў і кулямётчыкаў нібыта сон. Я не ведаю, ці ўсе яны загінулі. Але скажам так, атака была спыненая даволі хутка», - адзначыў баец.

Паводле інфармацыі Пентагона, маладыя карэйцы загінулі сотнямі.

«Жудасныя фатаграфіі васковых трупаў, якія ляжаць на снезе, былі неўзабаве апублікаваныя ў сетцы. На адным з відэа было паказана, як расейскі жаўнер спрабуе спаліць твар мёртвага паўночнакарэйца, каб схаваць яго этнічную прыналежнасць», - гаворыцца ў публікацыі.

Нагадваецца, што ў Курскай вобласці знаходзіцца амаль 11 000 паўночнакарэйскіх жаўнераў, гатовых уступіць у бой.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com