Украінскую амбасаду ў Вугоршчыне ўзначаліць «прафесар з акопаў»

Ён добраахвотна пайшоў на фронт у лютым 2023 года.

Прэзідэнт Уладзімір Зяленскі прызначыў новага амбасадара Украіны ў Вугоршчыне. Ім стаў украінскі добраахвотнік з Закарпацця Фёдар Шандар.

Пра гэта паведамляе РБК-Украіна са спасылкай на ўказ №876.

Фёдар Шандар – украінец вугорскага паходжання родам з Закарпацкай вобласці. Ён добраахвотна пайшоў на фронт у лютым 2023 года, баец 101/1 Закарпацкай брыгады тэрытарыяльнай абароны.

Фёдар Шандар таксама з'яўляецца прафесарам Ужгарадскага нацыянальнага ўніверсітэта. У сеціве яго называюць «прафесарам з акопаў». Яшчэ ў 2022 годзе ў сеціве з'явіліся кадры, як Шандар у перапынках паміж баявымі вартамі чытае лекцыю сваім студэнтам проста з акопаў.

Пасада амбасадара Украіны ў Вугоршчыне заставалася вакантнай з ліпеня 2022 года на фоне складаных стасункаў паміж краінамі. У ліпені 2022 года Уладзімір Зяленскі звольніў з гэтай пасады Людмілу Непоп.

У жніўні 2023 года Вугоршчына паведаміла, што зацвердзіла кандыдатуру Фёдара Шандара на пасаду новага амбасадара Украіны.

Сёння Уладзімір Зяленскі звольніў і прызначыў шэраг амбасадараў. Так, пасады страцілі амбасадары ў Славеніі, Літве, Японіі і Кітаі. Таксама з пасады сталага прадстаўніка Украіны пры ААН звольнілі Сяргея Кісліцу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com