У УСУ з'явілася новае падраздзяленне

Яно не баявое.

Ва Узброеных Сілах Украіны створана падраздзяленне, якое будзе каардынаваць дзеянні, накіраваныя на абарону, захаванне і прадухіленне знішчэння аб'ектаў культурнай спадчыны, якія могуць апынуцца пад пагрозай у выніку баявых дзеянняў - падраздзяленне па абароне культурнай спадчыны.

Пра гэта паведамляе Генеральны штаб УСУ на афіцыйнай старонцы ў «Фейсбуке».

Адпаведнае рашэнне было прынятае Галоўнакамандуючым Узброеных Сіл Украіны і зацверджана сумеснай дырэктывай Міністра абароны Украіны і Галоўнакамандуючага УС Украіны пасля працяглых кансультацый з міжнароднымі партнёрамі, Міністэрствам культуры і стратэгічных камунікацый Украіны, а таксама грамадскасцю.

Падраздзяленне па абароне культурнай спадчыны будзе функцыянаваць у структуры грамадзянска-вайсковага супрацоўніцтва УС Украіны.

У склад новага падраздзялення ўвойдуць вайскоўцы, якія маюць адукацыю і папярэдні досвед працы ў сферы культуры, археалогіі, гісторыі і музейнай справы.

Стварэнне спецыяльнага падраздзялення з'яўляецца чарговай мерай імплементацыі на нацыянальным узроўні палажэнняў часткі другой артыкула 7 Канвенцыі аб абароне і захаванні культурных каштоўнасцей у выпадку ўзброенага канфлікту.

Украіна прытрымліваецца нормаў міжнароднага права, выконвае ўзятыя на сябе абавязанні, максімальна выкарыстоўвае ўсе існыя механізмы і інструменты абароны і захавання культурных каштоўнасцей ва ўмовах узброенага канфлікту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com