Лукашэнка адправіў падраздзяленні РЭБ на мяжу з Украінай

У Генеральным штабе загаварылі пра «правакацыі».

Падраздзяленні радыёэлектроннай барацьбы (РЭБ), якія разгарнуў беларускі бок уздоўж мяжы з Украінай, занятыя тым, што вядуць радыёманіторынг радыёчастотнага дыяпазону, але пры гэтым гатовыя «спыняць правакацыі». Пра гэта расказаў начальнік управы радыёэлектроннай барацьбы Генштаба Узброеных сіл Беларусі Аляксандр Нагавіцын у эфіры «ВаенТБ».

Паводле ягоных слоў, падраздзяленні РЭБ на мяжы з Украінай кругласутачна ацэньваюць радыёэлектронную абстаноўку як на нашай тэрыторыі, так і на сумежнай, затым паведамляюць кіраўніцтву для прыняцця пастаноў.

«Акрамя гэтага, падраздзяленні РЭБ, разгорнутыя ўздоўж дзяржаўнай мяжы, гатовы да вядзення радыёэлектроннага здушэння радыёэлектронных аб'ектаў з мэтай недапушчэння рознага кшталту правакацый, у тым ліку з задзейнічаннем беспілотных лятальных апаратаў», - сказаў ён.

Паводле яго слоў, беларускіх жаўнераў зараз актыўна забяспечваюць партатыўнымі сродкам РЭБ.

«Толькі сёлета распрацавана і прынята на ўзбраенне 15 новых сродкаў радыёэлектроннай барацьбы, якія носяцца (звычайным салдатам у акопе) для таго, каб выяўляць і здушваць БПЛА розных тыпаў. Гэтыя сродкі актыўна цяпер пастаўляюць у войскі ў неабходнай колькасці», - сказаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com