На аўкцыён паўторна выставілі кляштар бернардынцаў у Дуброўне

Ён мусіць адбыцца 24 снежня.

Бернардынскі манастыр XIX стагоддзя ў Дуброўне, унесены ў спіс гістарычных культурных каштоўнасцей Беларусі, паўторна выставілі на таргі.

Папярэднія прайшлі 2 снежня, тады стартавы кошт склаў 371 тысячу рублёў. Цяпер яго скарацілі ў пяць разоў - 74 200 рублёў.

Новы аўкцыён мусіць адбыцца 24 снежня.

Манастыр пабудавалі з бярвення ў стылі барока ў XVII стагоддзі, але ён быў знішчаны пажарам у канцы XVIII стагоддзя. Пазней яго адбудавалі ў камені, але і ён не захаваўся.

Калі верыць легендзе, то манастыр загадаў спаліць ягоны ж уладальнік — Францішак Любамірскі. З-за таго, што манахі абвянчалі ягоную дачку з бедным шляхціцам.

Але пазней Любамірскі аднавіў будынак. Цяпер ад усяго манастыра захаваўся толькі двухпавярховы жылы корпус, пабудаваны ў 1809 годзе. Ён займае плошчу 456 квадратных метраў. Разам з пабудовай прадаецца і зямельны надзел з тэрмінам арэнды на 50 год.

Вядома, што касцёл быў закрыты ў 1930-ыя гады. У ім размяшчаліся рабфак і школа.

У 1990-ых у манастыры правялі частковую рэстаўрацыю - замянілі дах, умацавалі перакрыцці. Але пасля гэтага працы надоўга спыніліся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com