«Нас увялі ў зман»: Пуцін агучыў «прычыну» ўварвання ва Украіну

Крэмль планаваў напад раней за люты 2022 год.

Расейскі дыктатар Уладзімір Пуцін заявіў, што павінен быў пачаць поўнамаштабнае ўварванне ва Украіну раней за люты 2022 года. Як гаворыцца ў справаздачы амерыканскага Інстытута вывучэння вайны (ISW), у той жа час Пуцін у інтэрв'ю 22 снежня заявіў, што немагчыма сказаць дакладна, калі гэтае ўварванне павінна было адбыцца.

Пры гэтым Пуцін абвінаваціў Украіну і Захад у тым, што яны «ўвялі ў зман» Расею і не выканалі Менскія пагадненні, і гэта даў Захаду час падрыхтаваць Украіну да будучых «ваенных дзеянняў» супраць Расеі.

«Пуцін заявіў, што Расея павінная была «падрыхтавацца да гэтага» і «выбраць правільны момант» для пачатку поўнамаштабнага ўварвання ва Украіну, а не «чакаць моманту, калі ўжо немагчыма будзе нічога не рабіць», - гаворыцца ў справаздачы.

Пры гэтым у ISW адзначаюць - Пуцін забыўся згадаць, што Украіна працавала над умацаваннем свайго войска ў якасці абарончага адказу на анэксію Расеяй украінскай тэрыторыі ў 2014 годзе і пачатак вайны на ўсходзе краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com