Магутны цыклон абрынуўся на Балканы

У Харватыі і Босніі выраслі паўметровыя гурбы.

Моцныя снегапады абрынуліся на Боснію і Герцагавіну. Гурбы выраслі амаль да паўметра. Падобная сітуацыя і ў суседняй Харватыі. Паводле прагнозаў сіноптыкаў, бура можа перамясціцца ў Сербію, паведамляе TVN.

Для камунальных службаў Босніі і Герцагавіны гэта сапраўднае надзвычайнае здарэнне. Столькі снегу для балканскай краіны – з'ява анамальная. Многія жыхары ўзяліся за рыдлёўкі самі. Расчышчаюць двары, праезды, адкопваюць асабісты транспарт.

На горных перавалах і некаторых магістралях сітуацыя крытычная. Узровень снегу дасягае 20–40 сантыметраў. Уезд для грузавога транспарту зачынены. Кіроўцаў заклікаюць быць вельмі пільнымі.

Стыхія ўдарыла і па сістэме электразабеспячэння. Амаль 200 тысячаў дамоў засталіся без святла. Цяпер дзякуючы аператыўным дзеянням рамонтных брыгадаў гэтую колькасць удалося скараціць да 60 тысячаў. На паўночным захадзе краіны заняткі ў школах прыпыненыя.

У цэнтры Харватыі сітуацыя падобная. Забаронены рух на большасці дарог у цэнтральных рэгіёнах. Цяпер снежная бура ідзе на Сербію. Жыхароў захаду краіны папярэджваюць пра неабходнасць устрымлівацца ад паездак і магчымае адключэнне электраэнэргіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com