У Эстоніі абвясцілі калядны мір

Традыцыя сыходзіць каранямі ў XVII стагоддзе.

У аўторак, 24 снежня, апоўдні старшыня Талінскага гарадскога сходу Тоомас Круўзімягі абвясціў калядны мір, паводле традыцыі зачытаўшы гістарычнае пасланне народу з акна Ратушы.

Традыцыя сыходзіць каранямі ў XVII стагоддзе і адносіцца да часоў, калі Эстонія, Фінляндыя і Швэцыя ўваходзілі ў склад адзінай дзяржавы, нагадалі радыёнавіны ERR.

Пачатак традыцыі быў пакладзены ў перыяд кіравання швэдскай каралевы Крысціны. Калядны мір абвяшчаў гарадскі галава або сакратар магістрата, дзе знаходзіўся біскупскі сабор. Абвяшчэнне адбывалася з гаўбца аднаго з цывільных будынкаў апоўдні напярэдадні Раства.

Калядны мір у аўторак апоўдні быў абвешчаны і ў Тарту. У цырымоніі, якая адбылася на Ратушнай плошчы, удзельнічалі мэр горада Урмас Клаас і біскуп Паўднёвага рэгіёну Эстонскай евангеліцка-лютэранскай царквы Ёэль Лухаметс.

Абвясцілі калядны мір і ў Іда-Вірумаа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com