Ракета на бункер ці спецаперацыя: хто можа ліквідаваць Пуціна

Агучаны найбольш магчымы сцэнар.

Перспектыва заканчэння вайны залежыць альбо ад знішчэння пуцінскага рэжыму, альбо ад смерці дыктатара. Уладзіміра Пуціна могуць ліквідаваць спецслужбы вядучых краін свету.

Такое меркаванне ў эфіры «24 Канала» выказаў расейскі апазіцыйны журналіст Ігар Якавенка. Паводле ягоных слоў, такімі краінамі могуць быць Украіна, ЗША ці Вялікабрытанія. Для гэтага ім патрэбная толькі палітычная воля, адпаведная пастанова і ўдалая магчымасць, паколькі расейскага дыктатара ўзмоцнена ахоўваюць.

«Ці гэта будзе спецаперацыя, ці ракета, накіраваная на бункер. Практыка даказвае, што не існуе такіх бункераў, куды не змагла б пракрасціся добра падрыхтаваная ракета», - адзначыў Якавенка.

Журналіст таксама мяркуе, што да ліквідацыі Пуціна можа далучыцца і сама Расея. Аднак пакуль перадумоў для гэтага няма, паколькі асяроддзе дыктатара баіцца яго больш, чым магчымых наступстваў ягонага кіравання.

Ці можа нехта ў Расеі паквапіцца на жыццё дыктатара

«Такая ліквідацыя Пуціна стане магчымай толькі тады, калі Расея зазнае сур'ёзную вайсковую паразу. У такім выпадку можа з'явіцца нехта накшталт другога Прыгожына, здольны на пераварот у расейскім акупацыйным войску», – патлумачыў апазіцыянер.

Ён зазначыў, што вызначальным чыннікам стане сітуацыя на полі бою. Падзеі на фронце могуць стаць штуршком да ўнутраных змен у Расеі, якія ўрэшце прывядуць да ліквідацыі Пуціна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com