СМІ: Арменія не мае намеру вяртаць у Беларусь свайго амбасадара

Стасункі паміж Ерэванам і афіцыйным Менскам апошнім часам істотна пагоршыліся.

Ерэван не мае намеру вяртаць у Беларусь свайго амбасадара Разміка Хумарана, паведамляе бюро, якое адказвае за Арменію аднаго з расейскіх прапагандысцкіх медыя са спасылкай на ўласныя крыніцы.

Паводле інфармацыі СМІ, пасля адклікання ў чэрвені сёлета дыпламат у Менск больш не прыязджаў.

Як піша «Позірк», 13 чэрвеня прэм'ер-міністр Арменіі Нікол Пашынян заявіў, што ні ён, ні які-небудзь іншы афіцыйны прадстаўнік краіны не паедзе ў Беларусь, пакуль ва ўладзе ў Менску знаходзіцца Лукашэнка. Ён сказаў пра гэта ў кантэксце заяў Лукашэнкі аб карабахскім канфлікце на сустрэчы з прэзідэнтам Азербайджана Ільхамам Аліевым у сярэдзіне траўня.

Пасля заявы прэм'ера амбасадара Хумарана адклікалі ў Ерэван для кансультацый. У адказ Менск вярнуў з Арменіі свайго амбасадара Аляксандра Канюка (мяркуючы паводле інфармацыі МЗС, вярнуўся ў Ерэван у канцы лета).

На саміце Еўразійскага эканамічнага саюза (ЕАЭС) 26 снежня Пашынян, выступаючы па відэасувязі, публічна адмовіўся прыязджаць у Менск у траўні 2025 года на наступную сустрэчу кіраўнікоў краін ЕАЭС.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com