У менскіх школах забаранілі Санта Клаўса і Jingle Bells

Класным кіраўнікам прыйшло распараджэнне ад кіраўніцтва Менска.

Класным кіраўнікам сталічных школ прыйшло распараджэнне ад кіраўніцтва Менска не выкарыстоўваць у святочных мерапрыемствах вобраз Санта Клаўса і англамоўныя песні, паведамляе «Еўрарадыё».

Пры гэтым рэкамендуецца рабіць акцэнт на беларускіх традыцыях. Праўда, не ўдакладняецца, на якіх. Ці можна выкарыстоўваць выяву Святога Мікалая ці Зюзі, не паведамляецца.

Стыль і арфаграфія паведамлення захаваныя:

«Паважаныя класныя кіраўнікі,

распараджэнне кіраўніцтва горада:

на ранішніках, музычных мерапрыемствах, карпаратывах ЗАБАРОНЕНЫ САНТА КЛАЎС, калядныя і англамоўныя песні (тыпа Jingle Bells)

ВЫКАРЫСТОЎВАЕМ: нашы вядомыя песні і нашых казачных персанажаў.

Акцэнт на беларускія традыцыі.

Тое самае датычыцца і навагодніх упрыгажэнняў!!!!

Таксама просім звярнуць увагу на арганізацыю выязных навагодніх і калядных мерапрыемстваў і экскурсій. Усе запланаваныя выезды і экскурсіі толькі праз узгадненне са мной альбо дырэктарам».

Прыміце гэта, калі ласка, да ўвагі.

Нагадаем, у Беларусі забаранілі ўключаць заходнія калядныя песні ў гандлёвых цэнтрах і кавярнях. А Брэсцкі гарвыканкам забараніў Санта Клаўса і хваёвыя калядныя вянкі. У 2023 годзе рэжым у Беларусі забараніў адзначаць Дзень святога Валянціна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com