Стала вядома, дзе знаходзіцца выкрадзены расейцамі мэр Херсона

Інфармацыя з'явілася праз 2,5 гады.

Гарадскога кіраўніку Херсона Ігару Калыхаеву, якога акупанты выкралі 2,5 гады таму, бачылі ў таемнай турме ФСБ Расеі, якая размешчаная на тэрыторыі акупаванага Крыма. Падчас захопу горада яго скралі з-за таго, што ён адмовіўся супрацоўнічаць з акупантамі.

Пра гэта ў Facebook напісала журналістка, дакументатарка ваенных злачынстваў «Лабараторыі журналістыкі грамадскай цікавасці» Ганна Мамонава.

Са слоў жанчыны, інфармацыю пра лёс выкрадзенага мэра яна даведалася ад чалавека, які таксама знаходзіўся ў гэтай турме 2,5 гады і размаўляў з Ігарам Калыхаевым.

«Гаварыла з чалавекам, які прасядзеў 2,5 гады ў Сімфіцы ў склепе ФСБ. Гэта таемная турма. Мужчына нядаўна вярнуўся ва Украіну. Кажа, што бачыў Калыхаева, выкрадзенага мэра Херсона, у сутарэнні ФСБ. Мэр трымаецца», - напісала яна.

Журналістка адзначыла, што апошні раз ёй пацвярджалі, што Калыхаеў менавіта ў сутарэнні ФСБ у Сімферопалі вясной 24-га, а расейцы хаваюць, дзе трымаюць Калыхаева. Адмаўляюць і існаванне турмы ў сутарэнні будынка ФСБ. Яна дадала, што гэтую турму расейцы стварылі ў 22-м годзе, каб трымаць там выкрадзеных украінцаў.

Ігара Калыхаева расейцы выкралі 28 чэрвеня 2022 года ў цэнтры акупаванага Херсона. Да лістапада 2022 года яго трымалі ў асобнай камеры, а потым з усімі палоннымі перавезлі ў Алешкі. Затым мэра адвезлі ў таемную турму расейцаў на Чангары.

«У Чангары Калыхаева бачыў мужчына, які адкупіўся з палону за 7 тысяч даляраў. Ён плаціў за сябе, жонку і пляменніка. За кожнага па 7. Затым мэра перавезлі ў Крым. Так склаўся шлях Калыхаева за 2,5 гады палону. У мяне няма сведчанняў, што мэра катуюць - пабоі, так. Але кожны палон - гэта заўсёды здзек. І злачынства», - напісала Ганна Мамонава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com