Польшча прадоўжыла спрошчаную выдачу праязных дакументаў беларусам

Да 30 чэрвеня 2025-га года.

Спрошчаны парадак выдачы польскіх праязных дакументаў іншаземца для грамадзянаў Беларусі прадоўжаны да 30 чэрвеня 2025 года, паведамляецца на сайце ўраду Польшчы.

Спрошчаны парадак выдачы праязных дакументаў для грамадзянаў Беларусі быў уведзены ў Польшчы пастановай Міністэрства ўнутраных справаў і адміністрацыі ў ліпені 2023 года. У адпаведнасці з ім для беларусаў уводзіліся наступныя паслабленні:

• вызваленне ад выплаты збору за выдачу праязнога дакумента для замежніка – гэты захад будзе дзейнічаць бестэрмінова ажно да яго скасавання;

• з заявай з просьбай аб выдачы дакумента маглі звярнуцца таксама беларусы, якія ніколі не мелі праязнога дакумента (у першую чаргу пашпарта), – у тым ліку дзеці;

• беларусам, у адрозненне ад іншых тых, хто хадайнічае, не трэба даказваць, што яны не могуць атрымаць пашпарт ад уладаў сваёй дзяржавы;

• з заявай з просьбай аб выдачы дакумента маглі звярнуцца беларусы, якія маюць у Польшчы толькі часовы від на жыхарства незалежна ад мэтаў ягонай выдачы.

Усе гэтыя параметры будуць актуальныя для беларусаў і далей – як мінімум ажно да 30 чэрвеня 2025 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com