УСУ правялі ўдалы контрштурм пад Тарэцкам

Апублікаванае відэа і карта.

Байцы УСУ стрымліваюць наступ РФ на Тарэцкім кірунку. У пасёлку Няліпаўка ўкраінскія вайскоўцы паспяхова правялі контрштурм, паведаміла прэс-сакратарка аператыўнай тактычнай групоўкі «Луганск» Анастасія Бабоўнікава ў эфіры «Кіеў24».

Са слоў спікеркі АТГ «Луганск», сельская мясцовасць дазволіла украінскім байцам удала контратакаваць тэхнікай.

«Гэты контрштурм адбыўся ў пасёлку Няліпаўка на Тарэцкім кірунку. Гэты пасёлак, у адрозненне ад горада Тарэцка, дае больш магчымасцяў выкарыстоўваць менавіта тэхніку. Таму хлопцы правялі такі ўдалы штурм», - патлумачыла Настасся Бабоўнікава.

Украінскія вайскоўцы працяглы час стрымліваюць наступ расейскай групоўкі, якая значна перавышае ў колькасці, адзначыла спікерка.

«Яны сапраўды вялікія малайцы, бо ім супрацьстаіць велізарная групоўка войскаў РФ, і яны трымаюцца вельмі класна і не даюць ворагу прарывацца ўжо вельмі-вельмі доўгі час. Стрымліваюць ворага і нават могуць контратакаваць, праводзіць уласныя штурмавыя дзеянні», - сказала Настасся.

Таксама яна дадала, што гэта не першы выпадак паспяховай контратакі байцоў УСУ на гэтым адцінку фронту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com