Financial Times апублікавала спіс самых уплывовых жанчынаў 2024 года

Спіс падзелены на тры катэгорыі.

Газета Financial Times склала спіс самых уплывовых жанчынаў свету паводле вынікаў 2024 года. Туды ўвайшлі тыя, чые галасы найбольш гучна прагучалі ў годзе, што прамінае, і паказалі важныя для грамадства праблемы.

Спіс 25 самых уплывовых жанчынаў паводле версіі Financial Times падзелены на тры катэгорыі: «Стваральніцы», «Лідаркі» і «Гераіні».

У першай катэгорыі, «Стваральніцы», адзначылі жанчынаў творчых прафесій. Туды ўвайшлі амерыканскія спявачкі Тэйлар Свіфт і Charli XCX, палестынская спявачка Эльяна, ірландская пісьменніца Салі Руні, акторка Эма Стоўн, крэатыўная дырэктарка моднага дому Chloé Чэмена Хамані і народжаная ў Нігерыі шэф-кухарка і заснавальніца некалькіх лонданскіх рэстаранаў Адэхоке Бакары.

У намінацыю «Гераіні» ўвайшла ўдава расейскага палітыка Аляксея Навальнага Юлія Навальная. Таксама Financial Times адзначыла відэаблогерку з Газы Бісан Оўду. Дакументальны фільм Оўды атрымаў у 2024 годзе прэмію «Эмі» – адну з найвышэйшых амерыканскіх узнагародаў у галіне тэле- і відэажурналістыкі.

У спісе «гераіняў» – францужанка Жызэль Пеліко. Таксама ў катэгорыю ўвайшлі мэр Парыжа Ан Ідальга, індыйская пісьменніца Арундаці Рой, якая атрымала ў 2024 годзе прэмію Пінтэра, і амерыканская гімнастка Сімон Байлс, якая стала самай тытулаванай спартоўкай за ўсю гісторыю гэтага віду спорту.

У катэгорыю «Лідаркі» трапілі еўрапейская камісарка ў пытаннях канкурэнцыі Маргрэт Вестагер, першая жанчына – канцлерка казначэйства Вялікай Брытаніі Рэйчэл Рыўз, старшыня Еўракамісіі Уршуля фон дэр Ляен, віцэ-прэзідэнтка ЗША Камала Гарыс, новая прэзідэнтка Мексікі Клаўдыя Шэйнбаум, генеральная дырэктарка Лонданскай фондавай біржы і ЛГБТ-актывістка Джулія Хогет.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com