У Менску будуць судзіць евангельскага прапаведніка

Мікалая Хілу затрымалі 24 красавіка.

Прапаведніка евангельскай царквы «Дабравесце» Мікалая Хілу будуць судзіць паводле абвінавачванні ў распальванні варожасці і дзеяннях супраць нацбяспекі. Суд пачнецца ў канцы студзеня, піша «Медыязона».

Евангельскага прапаведніка царквы «Дабравесце» Мікалая Хілу, згодна з раскладам судовых пасяджэнняў, пачнуць судзіць 23 студзеня ў Менскім гарадскім судзе.

Яго абвінавачваюць паводле двух крымінальных артыкулаў: аб распальванні варожасці (ч. 1 арт. 130 КК) і аб закліках да санкцый ці іншых дзеянняў, накіраваных супраць нацбяспекі (ч. 3 арт. 361 КК). Максімальнае пакаранне паводле першага артыкула – да пяці гадоў пазбаўлення волі, паводле другога – да 12 гадоў.

Мікалая Хілу затрымалі 24 красавіка. З Акрэсціна прапаведніка перавялі ў СІЗА ў Калядзічах. Паводле першапачатковай інфармацыі праваабаронцаў, яго маглі абвінавачваць паводле арт. 368 КК у абразе Лукашэнкі.

Дакладныя прычыны затрымання і дэталі крымінальнай справы невядомыя. Мужчына прызнаны палітвязнем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com