Байдэн: Блізу 80 тысячаў вайскоўцаў ЗША разгорнутыя ў Еўропе для стрымлівання агрэсіі РФ

Вайсковая прысутнасць ЗША захоўваецца таксама ў Іраку, Сірыі і на Аравійскім паўвостраве.

ЗША размясцілі ў еўрапейскіх краінах-чальцах NATO 80 тысячаў сваіх вайскоўцаў для стрымлівання расейскай агрэсіі.

Пра гэта гаворыцца ў лісце прэзідэнта ЗША Джо Байдэна да спікера Палаты прадстаўнікоў і кіраўніка Сената.

У звароце адзначаецца, што Вашынгтон супрацоўнічае з краінамі па ўсім свеце для супрацьдзеяння тэрарызму. Асаблівая ўвага аддаецца зонам адказнасці Цэнтральнага і Афрыканскага камандаванняў войска ЗША.

Так, ЗША прадаўжаюць даваць войскі для Міжнародных сілаў падтрымання міру ў Косава. Там знаходзяцца 403 амерыканскія салдаты. Таксама блізу 378 вайскоўцаў прыпісаныя да кантынгенту Шматнацыянальных сілаў і назіральнікаў, якія прысутнічаюць у Егіпце з 1981 года.

Вайсковая прысутнасць ЗША захоўваецца таксама ў Іраку, Сірыі і на Аравійскім паўвостраве.

Што тычыцца Ізраіля, то ў лісце гаворыцца, што ЗША разгарнулі тэрмінальную сістэму супрацьракетнай абароны THAAD, здольную збіваць, сярод іншага, міжкантынентальныя балістычныя ракеты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com