Грамадзянін Літвы западозраны ў шпіянажы на карысць Расеі

У падазраванага, апроч літоўскага, ёсць расейскае грамадзянства.

Улады Літвы западозрылі чальца кансерватыўнай партыі «Звяз Айчыны – Хрысціянскія дэмакраты» ў шпіянажы на карысць Расеі. Пра гэта паведамляе BNS са спасылкай на заяву супрацоўніка Генеральнай пракуратуры Артураса Урбяліса. Дасудовае расследаванне закончанае, справа ў найбліжэйшы час будзе перададзеная ў суд.

LRT называе імя падазраванага – Эдуард Манаў. Ён у 2011 годзе вылучаў сваю кандыдатуру на выбарах у гарадскую раду Шаўлі на поўначы краіны і ўваходзіў у раду шаўляйскага аддзялення Звязу палітычных зняволеных і ссыльных Літвы.

Манаў вядомы як фотамастак і ў 2014 годзе ў Шаўлі прапанаваў сваю выставу фатаграфій пад назвай «Літва – у маім сэрцы».

Паводле словаў пракурора, у падазраванага, апроч літоўскага, ёсць расейскае грамадзянства. Паводле звестак следства, абмен інфармацыяй з Масквой праводзіўся праз шыфраваную радыёсувязь. Сцвярджаецца, што ў ходзе расследавання было знойдзенае і канфіскаванае «складанае шпіёнскае абсталяванне».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com