Пад Менскам прадаецца сучасны дом з камінам і лазняй
3- 13.02.2024, 11:48
- 4,654
![Пад Менскам прадаецца сучасны дом з камінам і лазняй](https://i.c97.org/ai/583387/aux-head-1707814135-20240213_dom_360.jpg)
Цалкам гатовы і не патрабуе укладанняў.
Хочаце свой дом, але няма часу і досведу яго будаваць і добраўпарадкоўваць? Звярніце ўвагу на гэты сучасны катэдж у пасёлку Мар'яліва пад Менскам. Гэты вялікі двухпавярховы дом не патрабуе ніякіх фінансавых укладанняў і поўнасцю гатовы да пражывання. Realt паказаў яго дэталёва.
Размяшчаецца катэдж у вёсцы Мар'яліва — гэта папулярны Лагойскі кірунак. Адсюль да МКАД - менш за 10 кіламетраў.
Сам дом быў пабудаваны ў 2017 годзе. Усе будаўнічыя і аддзелачныя работы ў доме выконваліся паводле праектных чарцяжоў, у строгай адпаведнасці з тэхналагічнымі працэсамі. Дом узведзены з блокаў, дах пакрыты металадахоўкай англійскага вытворцы і ўцеплены.
![](https://i.c97.org/ai/583387/aux-1707813988-1.jpg)
![](https://i.c97.org/ai/583387/aux-1707813989-2.jpg)
Агульная плошча двухпавярховага катэджа складае 369 квадратных метраў.
![](https://i.c97.org/ai/583387/aux-1707813989-3.jpg)
На першым паверсе дома размясцілася кухня і прасторная гасцёўня з камінам. Таксама тут ёсць спальня і вялікі санвузел з душавой кабінай.
![](https://i.c97.org/ai/583387/aux-1707813989-4.jpg)
![](https://i.c97.org/ai/583387/aux-1707813989-5.jpg)
![](https://i.c97.org/ai/583387/aux-1707813989-6.jpg)
![](https://i.c97.org/ai/583387/aux-1707813989-7.jpg)
На другім паверсе можна знайсці адразу 5 спальняў, санвузел і пакой пад спартзалу.
![](https://i.c97.org/ai/583387/aux-1707813989-8.jpg)
![](https://i.c97.org/ai/583387/aux-1707813989-9.jpg)
![](https://i.c97.org/ai/583387/aux-1707813989-10.jpg)
![](https://i.c97.org/ai/583387/aux-1707813989-11.jpg)
![](https://i.c97.org/ai/583387/aux-1707813989-12.jpg)
Ацяпленне ў доме - на газе, усе выгоды.
![](https://i.c97.org/ai/583387/aux-1707813989-13.jpg)
Дом стаіць на цокальным паверсе, у якім размясціўся ацяпляны гараж з ямай на два аўтамабілі. Патрапіць у гараж можна як з дому, так і з дваровай тэрыторыі.
![](https://i.c97.org/ai/583387/aux-1707813989-14.jpg)
Таксама каля дома ёсць цалкам абсталяваная лазня - парылка на дровах, душ, санвузел, зашклёная тэраса, барбекю, печ. На другім паверсе - два гасцявыя пакоі.
![](https://i.c97.org/ai/583387/aux-1707813989-15.jpg)
![](https://i.c97.org/ai/583387/aux-1707813990-16.jpg)
![](https://i.c97.org/ai/583387/aux-1707813990-17.jpg)
![](https://i.c97.org/ai/583387/aux-1707813990-18.jpg)
Тэрыторыя пляца абгароджана капітальным плотам з рассоўнымі варотамі на пульце. Плошча пляцу - 10 сотак. Тут шмат розных насаджэнняў - шматгадовыя кветкі, пладова-ягадныя дрэвы.
![](https://i.c97.org/ai/583387/aux-1707813990-19.jpg)
Мар'яліва атачаюць шматлікія лясы з грыбамі і ягадамі, непадалёк - вадасховішча Вяча з добраўпарадкаваным пляжам, Дуброўскае вадасховішча. Сам дом размешчаны ў тупіковай зоне на ўзвышшы.
![](https://i.c97.org/ai/583387/aux-1707813990-20.jpg)
Да спартовага комплексу «Раўбічы» (тэнісныя корты, лыжаролерныя трасы, крыты каток, горкі для катання на санках і цюбінгах, пракат квадрацыклаў, кавярні, рэстарацыі) адсюль - некалькі кіламетраў. Крыху далей размешчаны гарналыжныя комплексы "Сілічы" і "Лагойск".
Кошт 370-метровага дома - 399 тысяч даляраў.