Пад Менскам прадаецца сучасны дом з камінам і лазняй

Цалкам гатовы і не патрабуе укладанняў.

Хочаце свой дом, але няма часу і досведу яго будаваць і добраўпарадкоўваць? Звярніце ўвагу на гэты сучасны катэдж у пасёлку Мар'яліва пад Менскам. Гэты вялікі двухпавярховы дом не патрабуе ніякіх фінансавых укладанняў і поўнасцю гатовы да пражывання. Realt паказаў яго дэталёва.

Размяшчаецца катэдж у вёсцы Мар'яліва — гэта папулярны Лагойскі кірунак. Адсюль да МКАД - менш за 10 кіламетраў.

Сам дом быў пабудаваны ў 2017 годзе. Усе будаўнічыя і аддзелачныя работы ў доме выконваліся паводле праектных чарцяжоў, у строгай адпаведнасці з тэхналагічнымі працэсамі. Дом узведзены з блокаў, дах пакрыты металадахоўкай англійскага вытворцы і ўцеплены.

Агульная плошча двухпавярховага катэджа складае 369 квадратных метраў.

На першым паверсе дома размясцілася кухня і прасторная гасцёўня з камінам. Таксама тут ёсць спальня і вялікі санвузел з душавой кабінай.

На другім паверсе можна знайсці адразу 5 спальняў, санвузел і пакой пад спартзалу.

Ацяпленне ў доме - на газе, усе выгоды.

Дом стаіць на цокальным паверсе, у якім размясціўся ацяпляны гараж з ямай на два аўтамабілі. Патрапіць у гараж можна як з дому, так і з дваровай тэрыторыі.

Таксама каля дома ёсць цалкам абсталяваная лазня - парылка на дровах, душ, санвузел, зашклёная тэраса, барбекю, печ. На другім паверсе - два гасцявыя пакоі.

Тэрыторыя пляца абгароджана капітальным плотам з рассоўнымі варотамі на пульце. Плошча пляцу - 10 сотак. Тут шмат розных насаджэнняў - шматгадовыя кветкі, пладова-ягадныя дрэвы.

Мар'яліва атачаюць шматлікія лясы з грыбамі і ягадамі, непадалёк - вадасховішча Вяча з добраўпарадкаваным пляжам, Дуброўскае вадасховішча. Сам дом размешчаны ў тупіковай зоне на ўзвышшы.

Да спартовага комплексу «Раўбічы» (тэнісныя корты, лыжаролерныя трасы, крыты каток, горкі для катання на санках і цюбінгах, пракат квадрацыклаў, кавярні, рэстарацыі) адсюль - некалькі кіламетраў. Крыху далей размешчаны гарналыжныя комплексы "Сілічы" і "Лагойск".

Кошт 370-метровага дома - 399 тысяч даляраў.