Пуцін спалохаўся ўдзелу ў дэбатах перад выбарамі і прыдумаў дзіўную адгаворку

Агучыць яе даручылі Пяскову.

Прэс-сакратар лідара РФ Дзмітрый Пяскоў растлумачыў, чаму Пуцін чарговым разам адмовіўся ад удзелу ў прэзідэнцкіх дэбатах.

Аб афіцыйнай адмове дыктатара апавясціў Цэнтрвыбаркам РФ 13 лютага. Расейскія СМІ падкрэсліваюць, што Пуцін балатуецца ў прэзідэнты пяты раз і за час палітычнай кар'еры ні разу не браў удзел у перадвыбарных дэбатах.

Матывы палітыка давялося каментаваць ягонаму прэс-сакратару Дзмітрыю Пяскову. Апошні заявіў РІА Навіны, што кіраўнік Крамля і так, занадта часта ўдзельнічае ў жыцці расейцаў. Таксама ён спаслаўся на тое, што Пуцін адрозніваецца ад іншых кандыдатаў на выбарах напружаным графікам.

«Расейцы маюць магчымасць бачыць заявы Пуціна па ўсіх аспектах жыцця расейцаў фактычна на штодзённай аснове. Пуцін з'яўляецца дзейным кіраўніком дзяржавы, які жыве ва ўмовах вельмі напружанага прэзідэнцкага графіка. Гэта кардынальна адрознівае яго ад іншых кандыдатаў», - сказаў Пяскоў.

Адзначым, што прэзідэнцкія выбары ў Расеі павінны адбыцца 15-17 сакавіка гэтага года.