Business Insider: Ёсць сцэнар для перамогі Украіны ў вайне

Мусіць адбыцца некалькі важных рэчаў.

Украіна здольная атрымаць перамогу ў вайне з агрэсарам Расеяй, аднак для гэтага пакуль трэба зрабіць упор на абарону, аднавіць баяздольнасць і наносіць удары па расейскай тэрыторыі там, дзе вораг найбольш уразлівы.

У матэрыяле Business Insider гаворыцца аб тым, што гэтым этапе вайны Украіне не стае магчымасцяў для наступу, таму пакуль лепш засяродзіцца на абароне.

Як мяркуе старэйшы навуковы супрацоўнік Фонду Карнегі Майкл Кофман, цяпер варта зрабіць стаўку на падыход "утрымлівай, будуй, бі": абкапацца і абараніць лінію фронту настолькі, каб знясіліць расейскіх акупантаў. Пастаяннае супраціўленне аслабіць варожыя сілы.

“Утрымліваючы лінію фронту, Украіна магла б “пабудаваць” сваё войска шляхам аднаўлення, навучання і пашырэнні абароннай прамысловасці краіны, а таксама падтрымкі заходніх партнёраў Украіны. Элемент «удару» прадугледжвае нанясенне ўдараў па слабых месцах Расеі, каб знізіць яе здольнасці і стварыць магчымасці для далейшых наступальных аперацый Украіны”, - растлумачыў экспэрт.

Украіне трэба не дапусціць захопу Расеяй тэрыторый.

На думку Кофмана, Украіна можа вярнуць ініцыятыву на поле бою ў 2025 годзе і не даць расейскім акупантам дамагчыся сваіх вайсковых “мэт” на працягу аднаго-двух гадоў.

Старшы навуковы супрацоўнік Цэнтра Генры Л. Стымсана Эма Эшфард мяркуе, што ва УСУ пакуль няма магчымасцяў для правядзення наступальных аперацый, таму трэба зрабіць стаўку на абарону, каб не дапусціць акупацыі Расеяй большай колькасці тэрыторый.

З пункту гледжання Эшфард, зараз такі падыход можа стаць больш аптымальным.

“Гэты падыход таннейшы. Ён больш эфектыўны. Ён дапамагае развязаць праблемы з жывой сілай, таму што абарона лягчэй для жывой сілы, чым наступ. Нават пры адсутнасці фінансавання з боку ЗША гэта абсяг, у якім еўрапейскія дзяржавы могуць рэальна ўнесці свой уклад”, - мяркуе яна.

Таксама экспэрты падкрэслілі, што перамогай можа стаць працяг існавання дзяржавы і выжыванне народа. Магчыма, размова пойдзе не аб вяртанні тэрыторый, а аб стварэнні працяглага міру з РФ з пазіцыі сілы.