«Калгары» Шаранговіча падолеў «Эдмантан» у дзейсным мачце з дзявяццю шайбамі

Беларускі форвард зарабіў паказчык карыснасці «+1» у «бітве за Альберту».

Мінулай ноччу на пляцоўцы ў Эдмантане адбылася гульня паміж мясцовымі «Ойлерс» і «Калгары», за які выступае Ягор Шаранговіч. Гэтае супрацьстаянне носіць прынцыповы характар для абодвух бакоў, маючы назву «Бітва за Альберту», паведамляе sportpanorama.by.

«Агеньчыкам» удаўся старт сустрэчы - да 16-й хвіліны яны вялі 3:0. Дубль Хаймана скараціў адставанне «нафтавікоў» ад «Флэймз», але тыя зноў зрабілі рывок у тры галы.

На заключным этапе «Эдмантан» адыграў адну шайбу, якая ніяк не ўплывала на вынік (6:3).

Беларускі форвард «Флэймз» Ягор Шаранговіч правёў на лёдзе 19:34, здзейсніў адзін кідок у створ брамы і зарабіў паказчык карыснасці «+1». Усяго ў сёлетняй кампаніі ў яго на рахунку 38 балаў (20+18) у 57 гульнях.

«Калгары» з 61 баламі ў 58 матчах ідзе на 11-м месцы ў Заходняй канферэнцыі.