Мэр Лондана заклікаў канфіскаваць дамы расейскіх алігархаў
8- 25.02.2024, 17:03
- 9,070
![Мэр Лондана заклікаў канфіскаваць дамы расейскіх алігархаў](https://i.c97.org/ai/290687/aux-head-1526877630-20180521_parlament_uk_t.jpg)
Сумарная вартасць гэтых актываў — £ 1, 1 млрд.
Урад Вялікай Брытаніі мае канфіскаваць лонданскую нерухомасць, якая належыць расейцам, абвінавачаных у карупцыі і сувязях з Крамлём, сумарная вартасць гэтых актываў – £1,1 млрд ($1,26 млрд), заявіў мэр брытанскай сталіцы Садзік Хан у лісце міністру сацыяльна-эканамічнага развіцця Майклу Гоўву, перадае LBC.
Мэр зазначыў, што атрыманыя сродкі можна накіраваць на фінансаванне будаўніцтва 4 тысяч дамоў для малазабяспечаных груп насельніцтва, у тым ліку — украінскіх уцекачоў. Ён таксама заклікаў аднавіць праграму Ukraine Family, якая дазваляла ўкраінскім сем'ям уз'ядноўвацца з блізкімі сваякамі, якія атрымалі прытулак у Вялікай Брытаніі. Хан падкрэсліў, што ўкраінцаў па-ранейшаму вітаюць у Лондане, і заклікаў чальцоў урада пільна вярнуць праграму дапамогі.