У Менску пасажыры штурхалі тралейбус
9- 26.02.2024, 17:33
- 5,596
![У Менску пасажыры штурхалі тралейбус](https://i.c97.org/ai/585214/aux-head-1708957967-20240225_tralebus_360.jpg)
Відэафакт.
Сёння ў Менску пасажыры штурхалі тралейбус. Як паведамляе «Мінсктранс»:
- З 09:37 на вуліцы Кнорына, бульвары Талбухіна ў кірунку вуліцы Кузьмы Чорнага адбылося прыпыненне руху тралейбусаў на маршрутах №№ 29,61. Рух маршруту нумар 61 арганізаваны на вул. Кедышкі, маршруту №29 — на вуліцы Каліноўскага, праспекце Незалежнасці, вуліцах Філімонава і Кедышкі. Рух адноўлены а 09.50.
У гэты ж час мінакі, як піша blizko.by, маглі назіраць такую сітуацыю. У тым месцы, дзе вуліца Кнорына ўпіраецца ў Талбухіна, утварыўся ланцужок тралейбусаў. У нейкі момант пярэдні тралейбус пачалі штурхаць уручную. Гэта машына з бартавым нумарам 5491, якая ішла 61-м маршрутам.
![](https://i.c97.org/ai/585214/aux-1708957844-content_obl.jpeg)
![](https://i.c97.org/ai/585214/aux-1708957845-content_01.jpeg)
На фота і відэа добра бачна, што робяць гэта два чалавекі ў аранжавых камізэльках — відавочна, кіроўцы тралейбусаў, — і чатыры чалавекі ў звычайным адзенні, імаверна, пасажыры саміх тралейбусаў. Пры гэтым яны трымаюць у руках партфелі, пакеты, тэчкі: зразумела, што гэта не вельмі зручна. Крайні левы чалавек з партфелем нават выходзіць злева за габарыты тралейбуса.
Шасцёрка адштурхвала тралейбус некалькі дзясяткаў метраў, да павароту бульвара Талбухіна.