Украінскія дэсантнікі знішчылі калону расейцаў пад Данецкам

Гэта ўдалося зафіксаваць на відэа.

Калону расейскіх вайскоўцаў удалося знішчыць байцам Узброеных сіл Украіны ля вёскі Новоміхайлаўкі Данецкай вобласці. Працэс удалося зафіксаваць на відэа. Пра гэта паведамляецца ў Telegram-канале камандуючага ўкраінскай аператыўна-стратэгічнай групоўкай войскаў «Таўрыя» Аляксандра Тарнаўскага.

- Дэсантнікі 79 АДШБр паляць варожую тэхніку каля Новаміхайлаўкі, - гаворыцца ў заяве.

Адзначаецца, што актыўныя штурмавыя дзеянні на Таўрыйскім кірунку адбываюцца штодня практычна па ўсёй лініі фронту.

Тарнаўскі дадаў, што дзякуючы гераізму і неймавернай стойкасці ўкраінскіх абаронцаў знішчаем ворага, яго тэхніку і рэзервы.

Толькі за апошні тыдзень агрэсар страціў на Таўрыйскім кірунку 30 танкаў і 104 баявых браняваных машын.