УСУ «разумнай» бомбай JDAM-ER ліквідавалі камандны пункт войскаў РФ у Херсонскай вобласці

Відэафакт.

Паветраныя сілы УСУ ліквідавалі камандны пункт і ракетна-артылерыйскі склад узбраення расейскіх акупантаў.

Відэа знішчэння 1 сакавіка апублікаваў у сацсетках прадстаўнік Украінскай добраахвотніцкай арміі Поўдзень і спікер старшыні Адэскай АВА Сяргей Братчук.

Камандны пункт і склад УС РФ знішчылі ўкраінскія вайскоўцы, а відэа Братчуку далі байцы 38-й асобнай брыгады марской пяхоты. Удар адбыўся паблізу вёскі Чалбурда ў Херсонскай вобласці.

Братчук паведаміў, што абаронцы выкарыстоўвалі для нападу кіраваную бомбу JDAM-ER.

У «Мілітарным» адзначылі, што УСУ «даволі паспяхова» выкарыстоўваюць бомбы гэтага тыпу, бо іх можна скідаць без уваходу ў зону знішчэння СПА.

ЗША перадаюць высокадакладны камплект JDAM-ER для ўстаноўкі на свабоднападаючыя бомбы Mark 82. Гэтыя боепрыпасы не інтэграваныя ў сістэму ўзбраення самалёта, таму іх могуць прымяняць усе носьбіты, здольныя запускаць 227-кілаграмовыя авіяцыйныя бомбы.

Абсталяваная JDAM-ER бомба можа біць на 72 кіламетры з максімальным адхіленнем ад мэты да 11 метраў. Для навядзення камплект выкарыстоўвае інерцыйную сістэму і GPS карэкцыю.