Трамп апярэджвае Байдэна ў сямі ключавых штатах

Апытанне.

Былы прэзідэнт ЗША Дональд Трамп карыстаецца большай падтрымкай, чым дзейны прэзідэнт Джо Байдэн, прынамсі ў сямі штатах, якія, магчыма, будуць вызначаць вынік выбараў.

Пра гэта сведчыць апытанне Bloomberg News / Morning Consult, апублікаванае на гэтым тыдні.

Апытанне паказала, што Байдэн адстае ад Трампа ў сямі ключавых штатах – Арызоне, Джорджыі, Пенсільваніі, Мічыгане, Паўночнай Караліне, Невадзе і Вісконсіне.

Усяго ў гэтых сямі штатах 48% выбарцаў заявілі, што падтрымаюць Трамп, а 43% - Байдэна.

Перавага Трампа была наймацнейшай ў Паўночнай Караліне, дзе ён апярэджвае Байдэна на 9 адсоткавых пунктаў з 50% падтрымкі ў параўнанні з 41% Байдэна.

Паўночная Караліна, дзе Трамп перамог на выбарах 2020 года, стала адзіным штатам, дзе былы прэзідэнт атрымаў не менш за 50% падтрымкі ў новым апытанні. Ніводзін з кандыдатаў не атрымаў падтрымкі большасці ні ў адным з іншых ключавых штатаў.

Пры гэтым значная частка рэспандэнтаў выказала ўстурбаванасць узростам Байдэна, тады як значны адсотак заявіў, што Трамп небяспечны.

Агулам 8 з 10 выбарцаў у ключавых штатах сказалі, што 81-гадовы Байдэн занадта стары. Менш за палову рэспандэнтаў сказалі, што 77-гадовы Дональд Трамп занадта стары.