«Армянскія эліты зразумелі, што з Расеяй «лавіць няма чаго»

І развярнуліся на Захад.

Прэм'ер-міністр Арменіі Нікол Пашынян заявіў, што Ерэван гатовы юрыдычна аформіць «замарожванне»» ўдзелу ў Арганізацыі дамовы аб калектыўнай бяспецы (АДКБ), а спікер армянскага парламента Ален Сіманян - што краіна можа ўзяць курс на сяброўства ў Еўрапейскім Звязе.

Гэтыя заявы сведчаць аб тым, што армянскія эліты зразумелі: з Расеяй «лавіць няма чаго» і развярнуліся на Захад. Аб гэтым сёння, 1 сакавіка, у эфіры тэлеканала FREEДОМ заявіў народны дэпутат Украіны VI склікання, эксперт-міжнароднік Яўген Дабрак.

- Першае: мы бачым наўпроставы разварот Арменіі ў супрацьлеглы бок ад геапалітычнага і іншага ўплыву Расейскай Федэрацыі. Другое: Арменія ўбачыла адсутнасць рэальнай - і палітычнай, і фактычнай - падтрымкі ў той сітуацыі, у якой яна апынулася з Азербайджанам.

Хоць Азербайджан цалкам паводле ўсіх міжнародна-прававых нормаў меў рацыю, ён аднавіў суверэнітэт, тэрытарыяльную цэласнасць. І, натуральна, у гэтым пытанні АДКБ і Расейская Федэрацыя ніяк Арменіі не дапамагла, - мяркуе эксперт.

На яго думку, зараз працяглы канфлікт паміж Арменіяй і Азербайджанам набліжаецца, імаверна, да юрыдычна аформленага фіналу і зусім не дзякуючы РФ, а пры пасрэдніцтве заходніх краін.

Мы зараз будзем бачыць магчымае падпісанне мірнай дамовы паміж Азербайджанам і Арменіяй і далейшую стабілізацыю сітуацыі ў рэгіёне. Мы бачым актывізацыю вельмі сур'ёзную армянскага лобі ў Францыі, і Францыя дастаткова сур'ёзна пачынае ўзаемастасункі з Арменіяй і ў вайскова-тэхнічным супрацоўніцтве, і ў палітычным супрацоўніцтве і гэтак далей.

Я так разумею, армянскія эліты зразумелі, што лавіць нешта з Расеяй ці АДКБ, з гэтымі мёртвымі структурамі, нельга. І яны сапраўды пастанавілі развярнуцца ў бок еўрапейскай інтэграцыі, магчыма, з іх заяў, і да Захаду, - мяркуе Яўген Дабрак.

Эксперт адзначыў, што для Ерэвана заходні курс - стратэгічная задача, якая можа ўтрымаць на плыву дзяржаву і адвярнуць яе ад Расеі і ад АДКБ.