У Савудаўскай Арабіі робат дзіўна сябе павёў у жывым эфіры

У кампаніі, якая прэзентавала вынаходку, заявілі, што будуць прымаць захады.

У Савудаўскай Арабіі падчас прэзентацыі "мужчынскага" гуманоіднага робата адбыўся непрыемны інцыдэнт. Падчас таго, як журналістка расказвала пра вынаходку, робат неналежным чынам дакрануўся да яе. Аб гэтым піша Business Insider.

Вядома, што на мінулым тыдні савудаўская робататэхнічная кампанія QSS дэбютавала, прадставіўшы новага робата-гуманоіда Мухамеда на фестывалі DeepFest у Эр-Рыядзе. Робат быў адзеты ў традыцыйнае савудаўскае адзенне і размаўляў на арабскай і англійскай мовах.

У публікацыі DeepFest у сацсетцы X, Мухамеда апісалі як “першага савудаўскага робата ў форме чалавека”. Таксама яго назвалі "нацыянальным праектам", які паказвае дасягненні краіны ў галіне штучнага інтэлекту.

Падчас прэзентацыі каля Мухамеда стаяла рэпарцёр тэлеканала Al Arabiya Равія Касэм, якая запісвала, магчыма, свой сюжэт пра гэтую падзею.

На відэа можна ўбачыць, як робат працягвае руку наперад, каб дакрануцца да яе ніжэй за спіну. У адказ на гэта Касем рэзка паглядзела на яго, падняла далонь на робата, а затым працягнула размову.