Расея ракетамі атакавала Адэсу
9- 15.03.2024, 21:13
- 8,124
Пад прыцэл РФ трапіла цывільная інфраструктура.
Расейскія войскі сёння, 15 сакавіка, атакавалі Адэсу балістычнымі ракетамі «Іскандэр-М». Пад прыцэл РФ трапіла цывільная інфраструктура. Акупанты падступна ўдарылі па горадзе паўторна, калі на месца прыбылі медыкі і ратавальнікі, вядома пра дзясяткі пацярпелых.
Як паведамляе РБК-Украіна са спасылкай на ДСНС, колькасць загінулых у выніку варожага ракетнага ўдару па Адэсе вырасла да 20 чалавек. Пацярпелі больш за 70 чалавек.
На месцах варожых удараў прадаўжаецца пошукава-выратавальная аперацыя, ідзе разбор завалаў і ліквідацыя наступстваў атакі.
Разбураны трохпавярховы будынак рэкрэацыйнага аб'екта, пашкоджаны сама меней 10 прыватных дамоў, станцыя тэхабслугоўвання, газаправод нізкага ціску, аўто хуткай дапамогі і пажарна-выратавальныя аўтамабілі.