Google прэзентавала ШІ для стварэння відэа з дапамогай сэлфі і голасу

У індустрыі забаваў і адукацыі чакаюцца рэвалюцыйныя змены.

Каманда даследнікаў з Google распрацавала штучны інтэлект пад назовам VLOGGER. Гэты інструмент дазваляе ствараць рэалістычныя відэа, выкарыстоўваючы сэлфі і голас карыстальнікаў. Пра гэта паведамляе TrendHunter.

VLOGGER прызначаны для тых, каму цяжка прамаўляць перад камерай, але хто хоча ствараць кантэнт. Каб выкарыстоўваць праграму, карыстальнікам трэба загрузіць малюнак галавы і галасавы кліп, пасля чаго VLOGGER створыць відэа, у якім чалавек на фатаграфіі прамаўляе словы з аўдыязапісу.

Гэта складаны працэс, які ўключае сінхранізацыю рухаў вуснаў і дадаванне натуральных рухаў цела для стварэння рэалістычнага відэа. Праект VLOGGER знаходзіцца ў стадыі дапрацоўкі, але можа мець патэнцыял для шырокага выкарыстання ў маркетынгу, рэкламе, забавах, медыя і адукацыі.

Ён можа дазволіць брэндам ствараць відэакампаніі з рэалістычнымі аватарамі і персаналізаваным старылінгам, а таксама змяніць спосаб стварэння кантэнту ў індустрыі забаваў і адукацыі.