УСУ збілі яшчэ адзін расейскі Су-34

Самалёт знішчылі, калі ён спрабаваў атакаваць украінскія пазіцыі кіраванымі авіябомбамі.

Учора, 1-га сакавіка, а 09:00 на ўсходнім напрамку УСУ знішчылі варожы знішчальнік-бамбавік Су-34.

Як паведамляюць Паветраныя сілы УСУ, самалёт спрабаваў нанесці ўдар па ўкраінскіх пазіцыях кіраванымі авіябомбамі.

Адзначаецца, што гэтай ноччу вораг атакаваў Украіну трыма кіраванымі авіяцыйнымі ракетамі Х-59/Х-35 з акупаванай часткі Херсонскай і Данецкай абласцей і 17-ю “шахедамі” з Прыморска-Ахтарска РФ і Балаклеі захопленага Крыма.

“Да адбіцця паветранага нападу прыцягнуты зенітныя ракетныя падраздзяленні Паветраных Сіл, мабільныя агнявыя групы Сіл абароны Украіны. У выніку баявой працы супрацьпаветранай абаронай знішчана 14 “шахедаў” у межах Адэскай, Мікалаеўскай, Запарожскай, Харкаўскай, Сумскай, Днепрапятроўскай абласцей. На жаль, у выніку траплянняў і падзенні абломкаў у Адэскай і Харкаўскай абласцях ёсць загінулыя і пацярпелыя. Спачуванні родным і блізкім”, - напісалі ў ведамстве.

Знішчэнне расейскай авіяцыі

Як паведамляла Мінабароны Украіны, у лютым Паветраныя Сілы Узброеных сіл Украіны збілі 13 расейскіх самалётаў - дзесяць варожых знішчальнікаў-бамбавікоў Су-34, два знішчальнікі Су-35 і адзін самалёт далёкага радыёлакацыйнага выяўлення і кіравання А-50.