Першы намеснік міністра спорту нечакана «падставіў» Лукашэнку
10- 2.03.2024, 10:02
- 20,940
![Першы намеснік міністра спорту нечакана «падставіў» Лукашэнку](https://i.c97.org/ai/585866/aux-head-1709362848-20230302_czin_360.jpg)
Чыноўнік пачаў казаць сітуацыю, але нешта пайшло не так.
Першы намеснік міністра спорту і турызму Аляксандр Дараховіч пракаментаваў нараду ў Лукашэнкі, якая адбылася ў чацвер, прысвечаную сітацыі ў беларускім спорце, але нешта пайшло не так.
«[Лукашэнка] чарговы раз гаворыць відавочныя рэчы, якія мы самі павінны разумець і даўным-даўно выконваць. На жаль, на месцах гэта хтосьці можа, яшчэ не пачуў. Мы павінны гадаваць сваіх хлопцаў, і яны павінны дабівацца поспехаў. На гэта з гакам выдаюцца дзяржаўныя рэсурсы», - цытуюць Аляксандра Дараховіча «Віцьбічы».
Потым Аляксандр Дараховіч надумаў правесці паралелі паміж падрыхтоўкай беларускіх і замежных спартоўцаў.
«Сёння калі параўнаць Беларусь і некаторыя краіны, якія нас актыўна крытыкуюць, то там грошы, у тым ліку на футбол і зусім не выдаюцца. Гульцы (у непрыязных краінах - рэд.) працуюць, а ў вольны час трэніруюцца».
«Таксама за свае грошы яны ездзяць на спаборніцтвы. І пры гэтым часам паказваюць лепшыя вынікі, чым нашы спартоўцы, якія знаходзяцца на поўным дзяржаўным забеспячэнні», — прыйшоў да нечаканай высновы намеснік міністра.