Дзейнасць прадпрыемства пад Менскам спынілі з абуральнай прычыны
7- 2.03.2024, 10:13
- 8,382
Мяса захоўвалася з вапнай і фарбай.
У часе рэвізіі прыватнага мясаперапрацоўчага прадпрыемства ў Менскім раёне былі знойдзеныя грубыя парушэнні ветэрынарна-санітарных правілаў. Яны могуць несці пагрозу здароўю і жыццю людзей. КДК прыпыніў дзейнасць вытворчасці да поўнай ліквідацыі парушэнняў, піша onliner.by.
Так, у рэфрыжэратары мясную сыравіну захоўвалі разам з будаўнічымі матэрыяламі — вапнай і фарбай. Тамака ж знаходзілася і мяса невядомага паходжання. Прадпрыемства ігнаравала патрабаванні заканадаўства аб штодзённым прыбіранні вытворчых памяшканняў і санітарнай апрацоўцы тэхналагічнага абсталявання. У выніку правярання на ўтылізацыю было накіравана больш за 800 кг сыравіны.