Лукашэнка зняў з пасады кіраўніка факультэта Генштаба Узброеных сілаў
4- 21.03.2024, 21:09
- 8,582
Ігар Дземідзенка займаў гэтую пасаду з траўня мінулага года.
Генерал-маёр Ігар Дземідзенка вызвалены ад пасады кіраўніка факультэта Генштаба Узброеных сілаў – намесніка кіраўніка Ваеннай акадэміі. Адпаведны ўказ падпісаў 21 сакавіка Аляксандр Лукашэнка.
Генерал-маёр Ігар Дземідзенка прыкамандзіраваны да Дзяржаўнага сакратарыята Рады бяспекі з пакіданнем яго ў кадрах Міністэрства абароны, удакладнілі ў прэс-службе Лукашэнкі.
Ігар Дземідзенка займаў пасаду кіраўніка факультэта Генштаба УС з траўня мінулага года. Да гэтага з сакавіка 2021 года ён камандаваў войскамі Заходняга аператыўнага камандавання.
