Новы алгарытм ШІ навучыць чат-боты разважаць, перш чым даць канчатковы адказ

Гэта палепшыць якасць іх працы.

Даследнікі штучнага інтэлекту са Стэнфардскага ўніверсітэта і кампаніі Notbad AI Inc. распрацавалі алгарытм, які дазваляе сучасным чат-ботам абдумваць магчымыя адказы на запыт, перш чым даць канчатковы адказ, піша techinsider.

Як адзначаюць даследнікі, агульны падыход сучасных чат-ботаў заключаецца ў фармулёўцы адказу на запыт, з выкарыстаннем навучальных звестак. Ні адзін з чат-ботаў, якія выкарыстоўваюцца ў цяперашні час, не спыняецца, каб абдумаць некалькі магчымых адказаў на запыт, перш чым выдаць той, які, на ягоную думку, найбольш верагодны. Калі б чалавек адказаў такім чынам, мы сказалі б, што ён выпаліў першае, што ў галаву прыйшло.

У гэтым новым даследаванні група дала чат-ботам магчымасць крыху падумаць, перш чым адказаць. Навукоўцы мяркуюць, што прапанаваны спосаб, дазволіць чат-ботам быць значна больш дакладнымі і адказваць на пытанні крыху па-чалавечы.

Алгарытм Quiet-STaR спачатку просіць чат-бота даць некалькі адказаў на зададзены запыт. Потым ён параўноўвае адказы з зыходным запытам, каб вызначыць, які з іх найлепшы. Пасля ён загадвае чат-боту даць той адказ карыстальніку, які абраў алгарытм. Каманда таксама дала алгарытму магчымасць вучыцца на ўласным досведзе, каб з часам паляпшаць яго магчымасці аналізу.

Каб праверыць свой алгарытм, даследнікі дадалі яго ў чат-бот Mistral 7B з адкрытым зыходным кодам і пратэставалі яго з дапамогай стандартнага тэсту на развагі – ён набраў 47,2%. Без алгарытму Mistral 7B набраў 36,3 адсотка. З дададзеным алгарытмам Mistral 7B нашмат лепш справіўся з тэстам у матэматыцы.

Даследчая група адзначае, што іх алгарытм можна падлучыць да любога з карыстаных у цяперашні час чат-ботаў, хоць гэта павінны будуць зрабіць іх стваральнікі. На думку навукоўцаў, такая здольнасць крыху падумаць перш чым адказваць, павысіць дакладнасць адказаў чат-ботаў.