У Паветраных сілах Украіны расказалі, чаму войска РФ пачало выкарыстоўваць ракеты «Цыркон»

Гэта можа сведчыць аб сур'ёзнай праблеме ў расейцаў.

Спікер Паветраных Сіл Украіны Ілля Яўлаш адзначыў, што магчымае выкарыстанне расейскімі акупацыйнымі войскамі гіпергукавых ракет «Цыркон» можа сведчыць аб тым, што ў РФ узнік дэфіцыт іншых тыпаў ракет, інфармуе «Радыё Свабода».

«Тое, што яны іх выкарыстоўваюць, хутчэй за ўсё, сведчыць аб тым, што ў іх ужо ёсць дэфіцыт зброі, інакш яны б іх не выкарыстоўвалі. Наогул гэты тып ракет з'яўляецца супрацькарабельным, і ён выкарыстоўваецца толькі ў асобных выпадках, выкарыстоўваюць розныя пускавыя ўстаноўкі тыпу «Бастыён», «Баль». Аднак мы можам сказаць пра тое, што, калі б у іх, напрыклад, было дастаткова іншага тыпу ракет - крылатых ракет «Калібраў», «Іскандэраў», іншых ракет - яны б выкарыстоўвалі іх», - падкрэсліў спікер.

Яўлаш паведаміў, што цяпер у навукова-даследчым экспэртным цэнтры ўстанаўліваюць, ці выкарыстоўвалі войскі РФ падчас апошніх нападаў Украіны ракеты «Цыркон».

Паводле ягоных слоў, такім чынам расейцы могуць правяраць украінскую сістэму СПА.

«У тым ліку гэта (выкарыстанне ракет «Цыркон» - рэд.) можа быць такі ж пэўны экспэрымент - праверыць нашу сістэму СПА, дзе, што і як абаронена, што як прычынена, каб далей ужо выкарыстоўваць гэта пры планаванні іх наступных паветраных нападаў», - дадаў ён.