Лукашысты правялі аблаву ў Бярозе

Затрыманы сама меней чатыры чалавекі.

У Бярозе за ўдзел у акцыях пратэсту затрымалі чацвярых мужчын. «Пакаяннае» відэа з імі апублікаваў набліжаны да ГУБАЗіК тэлеграм-канал.

На відэа мужчыны гавораць, што ўдзельнічалі ў несанкцыянаваных масавых мерапрыемствах на вуліцы Леніна ў 2020 годзе.

Паводле якога артыкула абвінавачваюць затрыманых - невядома.

Мяркуючы з відэа сілавікоў, у Бярозе былі і іншыя затрыманні, пра якія яны раскажуць "у наступнай серыі".