У Керчы прагрымелі выбухі ў раёне Крымскага моста

Адной з цэляў мог стаць расейскі карабель “Сяргей Котаў”.

Расейцы 5 сакавіка заявілі аб “масаваным нападзе ўкраінскіх БПЛА” і марскіх дронаў на наземныя аб'екты ў часова акупаваным Крыме. Яны паскардзіліся, што цэллю таксама з'яўляюцца караблі Чарнаморскага флоту і Крымскі мост. Апошні расейскія “ўлады” перацялі для руху.

Пра гэта паведамляюць украінскія СМІ.

Са слоў крымчукоў, уночы ў раёне моста раздаваліся выбухі, а затым рух на Крымскім мосце перацялі. Раніцай з'явілася паведамленне, што дарога застаецца закрытай "ужо на працягу пяці гадзін".

“Крымскі мост усё яшчэ зачынены: спроба абстрэлу. Працуе СПА. Таксама безэкіпажныя катары спрабуюць атакаваць караблі Чарнаморскага флоту”, - паведамілі ў сетцы.

З інфармацыі SHOT, гукі выбухаў пачалі раздавацца прыкладна а палове на першую ночы, са слоў відавочцаў з розных раёнаў горада было чуваць ад трох да пяці магутных

Акупанты сцвярджаюць, што ці ледзь не ўвесь Крым апынуўся пад «масаваным ударам з боку ўкраінскіх фармаванняў». Яны заяўлялі аб спробе знішчэння беспілотнікамі наземных аб'ектаў і нападзе марскіх дронаў на караблі, а таксама на мост праз Керчанскі праліў.

Расейскія “ваенкары” выказалі здагадку: “мяркуючы з выбухаў, што прагрымелі ў наваколлях Феадосіі», адной з цэллю мог стаць патрульны карабель “Сяргей Котаў” (праект “Васіль Быкаў”), які знаходзіўся ў тым раёне.

“Цяпер украінскія фарміраванні распачалі чарговую спробу масаванага ўдару па Крымскай паўвыспе. Для нанясення ўдараў прымяняюцца як БЛА для знішчэння наземных аб'ектаў, так і безэкіпажныя катары для нападаў па караблях Чарнаморскага флоту. Яшчэ адной мэтай з'яўляецца Крымскі мост. Мяркуючы з выбухаў у наваколлях Феадосіі, адной з мэт мог стаць патрульны катар “Сяргей Котаў”, які знаходзіўся ў тым раёне. Ці быў факт траплянняў, ці выбухі раздаліся ў выніку знішчэння БЭКаў невядома”, - паведаміў расейскі вайсковы канал “Рыбар”.

"Ці быў факт трапляння або выбухі раздаліся ў выніку знішчэння БЭКаў невядома", – паведамляе ASTRA.