Нідэрланды вылучылі яшчэ мільярд еўраў на ваенную дапамогу Украіне
1- 13.04.2024, 15:01
- 1,888
![Нідэрланды вылучылі яшчэ мільярд еўраў на ваенную дапамогу Украіне](https://i.c97.org/p/articles/2015/ai-158777-aux-head-20150707_holandia_t.jpg)
Пра гэта паведаміў прэзідэнт Украіны.
Прэзідэнт Украіны Уладзімір Зяленскі правёў размову з прэм'ерам Нідэрландаў Маркам Рутэ.
Пра гэта кіраўнік дзяржавы паведаміў у Telegram.
«Толькі што ў тэлефоннай размове прэм'ер-міністр Марк Рутэ паведаміў, што Нідэрланды вылучылі яшчэ мільярд еўраў на ваенную дапамогу Украіне і €400 млн на аднаўленне. Гэта дадаткова да абавязальніцтваў у рамках нашага двухбаковага пагаднення аб бяспецы. Дзякуй, Марка, дзякуй, нідэрландскі народ! Гэта ўзорны прыклад падтрымкі Украіны», – гаворыцца ў паведамленні.
Паводле словаў Зяленскага, таксама бакі абмеркавалі супольную працу з партнёрамі ў паскарэнні паставак снарадаў для артылерыі, амуніцыі і сістэм СПА.
«Падзякаваў за дзейсную канферэнцыю Justice for Ukraine у Гаазе і запуск паводле яе вынікаў Рэестра шкоды. Расказаў пра падрыхтоўку Саміту міру ў Швэйцарыі і запрасіў Нідэрланды далучыцца. Мы таксама абмеркавалі неабходныя намаганні, каб гэтае мерапрыемства падтрымала больш краінаў», – дадаў прэзідэнт Украіны.