Падвойны ўдар па УС РФ у Луганску: Што вядома

УСУ выкарысталі «новы тып ракетаў»?

У часова акупаваным Луганску днём 13 красавіка прагрымелі два магутныя выбухі, у тым ліку ў раёне машынабудаўнічага завода, пасля гэтага над горадам быў відаць слуп дыму. Пасля з'явіліся паведамленні пра ўдар па рамонтнай базе акупантаў і паразу месцазнаходжання захопнікаў.

Пра гэта пішуць мясцовыя паблікі і шэраг Telegram-каналаў. Расейскія прапагандысты заявілі пра «ракетны ўдар УСУ» па аўтастанцыі і прадпрыемстве, вокамгненна «вызначыўшы», што па Луганску ўдарылі нямецкімі ракетамі Taurus, якія Берлін упарта адмаўляецца перадаць Украіне.

Пра тое, што Луганск мог наведаць «пляскач», блізу 11:30 паводле менскага часу.

Паводле звестак журналіста Дзяніса Казанскага, прыляцела па казарме расейскіх акупантаў.

«З Луганска паведамляюць пра прылёт па размяшчэнні расейскіх вайскоўцаў. З месца ўдару паднімаецца дым», – напісаў ён.

Пазней Казанскі адзначыў магутнасць выбуху.

«Прылёт у Луганску даволі магутны. Нагадвае КАБ. У месцы прылёту пачаўся пажар», – напісаў журналіст.

Пасля выбуху, паведамляюць мясцовыя жыхары, акупанты ў аблцэнтры пачалі глушыць сувязь.