Чэргі на межах Беларусі і краінаў ЕЗ захоўваюцца

На мяжы з Польшчай стаіць 40 аўтобусаў і 170 легкавых аўтамабіляў.

З Літвой – 1500 грузавікоў.

Сітуацыя на межах з ЕЗ складаная.

Так, на стан 14-й, паводле звестак памежнага камітэта, у пункце пропуску «Брэст» (з польскага боку «Цярэспаль») знаходзіцца 40 аўтобусаў і 170 легкавых аўтамабіляў.

У Беняконях на мяжы з Літвой аўтобусаў няма, стаіць 30 легкавых і 715 грузавых аўтамабіляў.

У Каменным Логу – 40 легкавых, 800 грузавых машынаў.

У Грыгораўшчыне на мяжы з Латвіяй чэргаў з легкавых аўтамабіляў і аўтобусаў няма, аднак знаходзіцца 820 грузавікоў.