Пад Ляхавічамі ў краму прыпаўзла змяя
29- 14.04.2024, 12:02
- 9,832
![Пад Ляхавічамі ў краму прыпаўзла змяя](https://i.c97.org/ai/591446/aux-head-1713085345-20240326_foto2_360.jpg)
Давялося выклікаць МНС.
Жыхары аграгарадка Падлесся пад Ляхавічамі раніцай знайшлі змяю на ганку мясцовай крамы. Ад граху падалей, супрацоўнікі выклікалі МНС.
Ратавальнікі прыехалі і металічным захопам панеслі змяю далей ад крамы. Выявілася, гэта быў вуж, які, відаць, захацеў пагрэцца на ранішнім сонцы.
![](https://i.c97.org/ai/591446/aux-1713085212-1.jpg)
Вужа супрацоўнікі МНС выпусцілі ў натуральнае асяроддзе пасялення. Намеснік начальніка Ляхавіцкага РАНС распавёў, што сёлета гэта быў першы выклік наконт змяі, паведамляе «Первый регион».
Вужы апошнім часам актывізаваліся на Піншчыне. У райцэнтры яны «акупавалі» набярэжную і абляпілі дрэвы.
![](https://i.c97.org/ai/591446/aux-1713085212-2.jpg)