Іран злавілі на хлусні

Іранская прапаганда выдае пажары ў Чылі за ўдар па Ізраілі.

У якасці доказу паспяховага нападу на Ізраіль іранскі дзяржаўны тэлеканал паказаў пажары ў Чылі, паведамляе Bild.

Іранскія дзяржаўныя медыі адчайна спрабуюць пераканаць грамадзян краіны ў тым, што напад на Ізраіль быў надзвычай паспяховым.

Так, дзяржаўная іранская тэлекампанія IRINN, паведамляючы аб выпушчаных у напрамку Ізраілю ракетах, паказала кадры з агмянямі агню. Аднак высветлілася, што гэта не наступствы ўдараў іранскіх беспілотнікаў, а стары відэазапіс лясных пажараў у Чылі.

У той жа час вядомы амерыканскі блогер (больш за два мільёны падпісчыкаў) і прыхільнік тэорый змоў Джэксан Хінкл падзяліўся відэа, якое, з ягоных слоў, дэманструе паніку ў Ізраілі падчас ракетнага нападу з боку Ірана. Зрэшты, журналісты BBC выявілі, што насамрэч на запісе – фанаты брытанскага поп-музыкі Луі Томлінсана каля гатэля Four Seasons у Буэнас-Айрэсе.

Іран напярэдадні вечарам выпусціў у сукупнасці больш за 300 ракет і дронаў у напрамку Ізраілю, аднак, паводле афіцыйных звестак ізраільскага боку, 99% удалося збіць сістэмамі СПА.