Расейскія ўлады спалохаліся Пугачовай

Тэлеканалы не будуць паказваць праграмы да 75-годдзя культавай спявачкі.

Расейская спявачка Ала Пугачова адзначае 75-гадовы юбілей 15 красавіка, але ў сетку вяшчання расейскіх тэлеканалаў не ўключаны святочныя праграмы ў яе гонар, вынікае з раскладу праграм на онлайн-платформе "Смотрим", заўважылі "Ведомости".

У 2019 годзе расейскія каналы ў 70-гадовы юбілей спявачкі выпускалі святочныя канцэрты, прысвечаныя Пугачовай. 14 красавіка на Першым канале паказалі канцэрт "Падарунак для Алы", тэлеканал "Расія 1" у сваю чаргу трансляваў віншаванне "З днём нараджэння, Ала!".

27 сакавіка кіраўнік Федэральнага праекта ў бяспецы і барацьбе з карупцыяй Віталь Барадзін у Telegram-канале напісаў, што ў адказ на ягоны запыт у Генпракуратуры пачалася працэдура прызнання Пугачовай замежным агентам.

Ала Пугачова з дзецьмі пакінула Расею восенню 2022 года, калі яе мужа Максіма Галкіна ўнеслі ў рэестр замежных агентаў. Пасля гэтага Ала Пугачова папрасіла дадаць яе ў шэрагі "замежных агентаў" следам за мужам.

Яна напісала, што салідарная з ім у тым, што ён жадае спынення "гібелі нашых хлопцаў за ілюзорныя мэты, якія робяць нашу краіну выгнанкай і ўскладняюць жыццё нашым грамадзянам".

У пачатку сакавіка Ала Пугачова апублікавала допіс, які, як мяркуецца, быў прысвечаны Аляксею Навальнаму.

“Першая тызень вясны. Свята жоўтых кветак. Не здавайцеся! Не падайце духам! Мір вашаму дому”, - напісала яна.

“Не здавайцеся”, - так адказаў Аляксей Навальны на пытанне, якія б словы ён пакінуў расейцам на выпадак, калі яго заб'юць.